Ginduso liwat sa Kamara ang hagna nga nagatuyo nga himuon nga legal ang divorce sa Pilipinas.
Suno kay Albay Rep. Edcel Lagman, gin-refile ang measure bilang House Bill No. 78 agud nga mahatagan sang kahilwayan ang mga naga-suprer nga mga asawa bangud sa “dysfunctional marriages” ukon sa mga pagpang-abuso nga ginahimo sang iya nga partner.
Tuyo sini nga iduso ang absolute divorce para sa irremediably broken marriage kag dapat nga may yara sang affordable, expeditious, and inexpensive court proceedings.
Matandaan nga may amo man nga hagna nga ginpasar sa third reading sa Kamara sa 17th Congress apang wala naaktuhan sa lebel sang Senado.
May yara man sang identical divorce bill nga gin-aprubahan sang Committee on Population and Family Relations sa 18th Congress apang nagpundo lang sa Committee on Appropriations bangud sa COVID-19 pandemic.
Nahibaluan nga magluwas sa Vatican, ang Pilipinas (isa ka Catholic-majority nga pungsod) amo ang nagaisahanon nga pungsod nga wala sang divorce law.
Ang Family Code of the Philippines ang nagapahanugot lamang sang legal separation, marriage annulment, kag filing of a petition para sa declaration of nullity on the ground sang psychological incapacity.
