ILOILO CITY- Gin-suspend ang klase sa Iloilo City kag sa pila ka banwa sa Iloilo Province bangud sa malain nga panahon.
Sa Iloilo City, ginsuspende ni Iloilo City Mayor Jerry Treñas ang klase halin sa pre-school tubtob sa senior high school.
Sa Iloilo Province naman, kalakip sa mga banwa nga nagsuspende sang klase amo ang masunod:
1st District:
-Miag-ao, San Joaquin, Oton, Guimbal,
2nd District:
-Zarraga, Pavia, Leon, Alimodian, San Miguel, New Lucena, Sta. Barbara,
3rd District:
-Janiuay, Calinog, Badiangan, Maasin, Bingawan, Pototan, Mina, Lambunao
4th District:
Barotac Nuevo, Dumangas, Dueñas, Banate
5th District:
Balasan, San Rafael
Sa interview sang Bombo Radyo Iloilo kay Dr. Jerry Bionat, pinuno sang Provincial Disaster Risk Reduction and Management Office,iya ginpahayag nga ginpataas na ang Orange rainfall advisory sa probinsya kun sa diin ginalauman nga magtupa ang 15 mm tubtob 30 mm nga bubo sang ulan kag mahimo nga magbaha.
Suno kay Bionat, ang maeksperyensiyahan subong sa Iloilo amo ang habagat nga mas nagabaskog kun may yara sang Bagyo sa kadagatan nga parte sang pasipiko.
Samtang, bangud sa mabaskog nga huyop sang hangin kag dalagko nga mga balud, kanselado ang byahe sang mga sakayan sa mga masunod nga lugar:
*Bancal Port pakadto sa Gigantes Island and vice versa
*Sicogon Island pakadto sa Estancia Port and vice versa
*Gigantes Island pakadto sa Estancia Port and vice versa
Ginapanugyanan man ang tanan nga fishing boats kag magagmay nga sakayan pangdagat nga indi magpalawod samtang ginaalerto man ang mas dalagko nga sea vessels sa dalagko nga mga balod.
