ILOILO – Nagpatigayon sang pagsinapol ang mga Hog Raisers sa probinsya sang Iloilo kaupod si Governor Arthur Defensor agud istroyahan ang mga lihok nga pagahimuon may kaangatanan sa nagapadayon nga isyu sang African Swine Fever sa pungsod.
Sa interview sang Bombo Radyo kay Mr. John Sy, tagapamaba sang mga Hog Raisers sa Iloilo iya ginpahayag nga luyag nila nga mag hingyot kay Iloilo Governor Arthur Defensor sang Temporary Total ban sa tanan nga baboy kag karne nga nagikan sa Luzon.
Suno kay Sy, luyag nila nga mapatuman ini sa bilog nga probinsya agud masigurado nga mangin hilway ang probinsya sang Iloilo sa African Swine Fever.
Suno kay Sy, nagahingyo man sila sang bulig sa Department of Agriculture bangud tuman sila nga nagakabalaka nga makasulod sa probinsya ang nasambit nga balatian nga posible dako ang mangin halit sa mga baboy.
