ILOILO CITY – Kumpiyansa ang mga lideres sang House of Representatives nga ma-aprubahan nila ang proposed P5.2 trillion nga budget para sa 2023 sa final reading sa Septyembre 30.
Ini ang suno kanday House Majority Leader Manuel Jose Dalipe sang Zamboanga City subong man nanday Representatives Stella Luz Quimbo sang Marikina kag Margarita Ignacia Nograles sang PBA party-list antes pa man ang ginalauman nga pagpasa sang proposed appropriations sa Agosto 22.
Suno kay Dalipe, sang 18th Congress, natigayon nga matapos sang Kongreso ang pag-deliberate kag pag-interpellate sang budget kag na-beat ang deadline nga Septyembre 30.
Samtang, suno naman kay Quimbo nga amo ang senior vice chairman sang committee on appropriations, gina-target sang panel nga matapos ang mga hearings sa Septyembre 16 agud nga mahatagan ang House plenary sang duha ka semana agud nga hambalan antes ang measure ang ma-aprubahan sa third kag final reading.
Suno naman kay Nograles, ang appropriations panel ang magapatigayon sang pagsinapol subong nga semana agud nga handa-an ang budget deliberations.
