ILOILO CITY – Aprubado na sa House constitutional amendments committee ang hagna nga nagahatag sang composition sang constitutional convention nga maga-amyendar sang 1987 Constitution kag nagahatag sang P10,000 nga daily salary sa tagsa ka delegado.
Ang nasambit nga hagna ang nakakuha sang 17 ka mga “yes” votes, duha ka “no” votes kag wala sang nag-abstain.
Sa idalom sang ginaduso nga layi, ang constitutional convention ang lakipan sang ginabanta 304 ka mga delegates kun sa diin, mayoriya diri ang pili-on sang publiko.
Sa amo nga numero, 20% ang i-reserve para sa kwalipikado nga sectoral representatives nga iga-appoint sang presidente.
Si House Assistant Minority Leader Arlene Brosas ang isa sa nagpamalabag sa approval sang constitutional convention bangud suno sa iya, ang P10,000 nga compensation para sa tagsa ka delegado ang insulto para sa mga ordinaryo nga mamumugon.
