INDIA – Naghingyo sang pasaylo si Indian Prime Minister Narenda Modi sa publiko matapos nga ginpaidalom niya sa lockdown ang bilog nga India bangud sa kahangawa sa Coronavirus Disease 2019.
Ini bangud humalin sang ginpatuman ang lockdown madamo ang nadulaan sang palangabuhian kag ginabanta sa 1.3 milyon ka pumuluyo sang nasambit nga pungsod ang naapektuhan.
Pila man ka migrant labourers ang napilitan nga maglakat sang pila ka kilometro pauli sa ila tagsa ka mga panimalay.
Suno kay Modi, tuman na ka dako ang nangin epekto sang COVID-19 sa ila nga pungsod gani nagaka-igo lang ang iya nangin desisyon nga ipaidalom na sa lockdown ang bilog nga India.
