Naglab-ot na sa 100 percent ang intensive care utilization rate sang syudad sang Iloilo.
Sa interview sang Bombo Radyo kay Mr. Jeck Conlu, spokesperson sang COVID-19 Team sang Iloilo City Government, iya ginpahayag nga nagdangat sa 63 ang waiting list sa mga ospital sang syudad.
Buot silingon, wala na sang bakante nga mga hulot ang mga ospital.
Suno kay Conlu, bangud sini, nagapartner kag nagapakig-angot naman ang mga ospital sa mga hotel sang syudad agud nga ma-akomodar ang iban nga mga pasyente.
