Mas istriktohon sang Iloilo Police Provincial Office (IPPO) ang ila nga pag-implementar sang road safety matapos nga na-record ang sunod-sunod mga vehicular accident.
Sa interview sang Bombo Radyo kay Police Major Rolando Araño, spokesperson sang Iloilo Police Provincial Office, iya ginpahayag nga padayon ang ila pagpatuman sang check points ilabi na nga mas masako ang dalan subong nga holiday season.
Suno kay Araño, lakip sa mga information drive kag pamulong-pulong sa kabarangayan ang pila ka mga importante nga pahanumdom nga likwan ang mag-drive kon may impluwensya sang makahulubog nga ilimnon.
Nagpahanumdom man ini sa motorista nga maggamit sang husto nga protection gears samtang nagamaneho kag sundon ang traffic rules agud nga makalikaw sa disgrasya.
Nagpasalig man ang natungdan nga nakipag-angot na sila sa mga Local Government Unit (LGU) agud nga matakdan sang mga street lights kag early warning devices ang mga dalan nga madulom kag prone sa disgrasya.
