ILOILO CITY – Gin-anunisyo sang transport group nga tapuson na ang transport strike matapos nga nagpadulong sa Malacañang kahapon.
Sanday PISTON president Mody Floranda kag Manibela leader Mar Valbuena ang nagpakigkita sa pila ka mga opisyal upod kay Presidential Communications Secretary Cheloy Garafil nga anay chair sang Land Transportation Franchising and Regulatory Board.
Gin-anunsiyo man sang Manibela nga wala sang may matabo nga phaseout.
Una na nga gin-anunsyo sang grupo nga magapatigayon sila sang isa ka semana nga transport strike agud nga maganyat ang gobyerno nga ipaiway na ang modernization program.
Sa idalom sang modernization scheme, ang mga jeepney operators ang dapat nga mag-upod sa mga kooperatiba ukon korporasyon nga amo ang maga-utang sa bangko agud nga makabakal sang modern jeepneys kag mini-buses.
Gin-anunsiyo sang Land Transportation Franchising and Regulatory Board nga ang mga traditional jeepneys kag UV express units ang may yara sang tubtob Hunyo 30 agud nga mag-intra sa mga kooperatiba kag korporasyon nga mag-modernize.
Apang ang deadline ang ginpalawig tubtob sa Disyembre 31.
