ILOILO CITY – Nag-surrender ang isa sa mga suspek sa pagpatay kay late Negros Oriental Governor Roel Degamo kag sa walo ka iban pa suno kay Special Task Force Degamo head kag Interior and Local Government Secretary Benhur Abalos.
Suno kay Abalos, ang suspek ang sa subong yara sa kustodiya sang Armed Forces of the Philippines kag iga-turn over sa National Bureau of Investigation.
Pahayag niya, ang suspek ang may yara sang importante nga impormasyon sa kaso.
Sa subong, ang task force ang naka-file na sang 30 ka mga kaso nga ginalakipan sang siyam ka murder complaints, 15 ka frustrated murder, tatlo ka attempted murder, isa ka violation sang Republic Act 10591 ukon possession of illegal firearms kag, duha ka violation sang Republic Act 9156 ukon possession of explosives.
Ini ang ginpasaka batuk sa apat ka mga arestado kag 12 ka mga John Does.
Kung madumduman, sang Marso 4, ang tatlo ka mga suspek nga sanday Joric Garido Labrador, Joven Calibjo Javier, kag Benjie Rodriguez ang nadakpan sa hot pursuit operation sa Bayawan City. Ang isa pa ka suspek nga si Arnil Labradilla ang napatay sa isa ka encounter.
Sang Marso 5, isa pa ka suspek nga ginkilala kay Osmundo Rojas Rivero ang na-aresto.
Kung madumduman, si Degamo kag ang walo ka iban pa ang napatay samtang nga nagapanghatag sang bulig ang gobernador sa iya mga constituents.
