Nagadasig ang hulag sang Bagyo Egay samtang nagapadulong ini sa West Philippine Sea.
Ulihi nga nasiplatan ang sentro sini sa kalayuon nga 565 km nasidlangan sang Baler, Aurora. Dala sini ang kabaskugon sang hangin nga 140 km/h malapit sa sentro kag pagmadlos tubtub sa 170 km/h.
Nagahulag ini pa-nakatundan sa kadasigon nga 15 km/h.
Yari ang mga lugar nga napaidalom sa Tropical Cyclone Wind Signal Number 1:
*LUZON – Batanes, Cagayan lakip na ang Babuyan Islands, nabilin nga bahin sang Isabela, Quirino, Nueva Vizcaya, Apayao, Kalinga, Abra, Mountain Province, Ifugao, Benguet, Ilocos Norte, Ilocos Sur, La Union, northern portion sang Pangasinan, northern kag southeastern portions sang Quezon lakip na ang Polillo Islands, Camarines Norte, Camarines Sur, nabilin nga bahin sang Catanduanes, Albay, Sorsogon, kag Masbate
*VISAYAS – Northern Samar, Eastern Samar, Samar kag Biliran
Yari naman ang mga lugar nga napaidalom sa Wind Signal Number 2:
*LUZON – southeastern portion sang Isabela kag northeastern portion sang Catanduanes
Pabaskugon sang Bagyo Egay ang Habagat ukon ang Southwest Monsoon nga rason sang pag-ulan-ulan diri sa Visayas.
Gina-forecast man ini nga magdasig kag maglab-ot sa super typhoon category buwas sa kagab-ihon ukon sa Myerkules nga adlaw.
Posible ini nga magguwa sa Philippine Area of Responsibility (PAR) sa Huwebes kag posible maghulag padulong sa Taiwan. #
