ILOILO CITY- “You know, it is never because of the leader. It is because of the people who are working,” pahayag ni Iloilo City Mayor Jerry Treñas bilang reaksyon sa mga nagadayaw sa iya liderato sa syudad sang Iloilo sa pagtapna sang paglapta sang coronavirus disease 2019 (COVID-19).
Sa interview sang Bombo Radyo kay Treñas, iya ginpahayag nga ang iya trabaho amo lang ang pag-direct sa mga tawo.
“It is the sense of bayanihan, the bayanihan spirit,” dugang pa sang alkade.
Ginpasalamatan sang alkalde ang wala-untat nga bulig nagikan sa mga pumuluyo sa syudad.
Bisan ang mga pribado nga sektor kag negosyante suno kay Treñas ang wala gid nagaduha-duha sa pagtanyag sang food assistance sa Iloilo City Government agud mapanagtag sa mga pumuluyo nga apektado sang ginapatuman nga enhanced community qurantine.
Dugang pa sang alkalde, sa subong, nagapangita na siya sang supplier nga mahimo makadonar sa syudad sang yeast, harina, asin, kalamay, kag iban pa nga ingredients agud mahimo nga pandesal.
“We’ll make our own Ilonggo pandesal.”
Nagalaum ang natungdan nga sa bulig sang bug-os nga komunidad, malampuwasan ang COVID-19 outbreak.
“Kay ako ‘ya, gapati gid ko nga malampuwasan ta ‘ni. No one will be left behind.”
