ILOILO CITY – Nagtukod sang bag-o nga Special Committee on Nuclear Energy ang House of Representatives agud nga magtutok sa production, utilization kag conservation sang nuclear energy lakip na ang development sang nuclear power infrastructure.
Ini ang na-develop matapos nga ang motion ni Senior Deputy Majority Leader Sandro Marcos sang Ilocos Norte nga nagatukod sang bag-o nga committee ang gin-aprubahan pinaagi sa voice voting sa Kongreso.
Suno sa presidential son, ang bag-o nga House Nuclear Energy panel ang magatalakay sang interaction sang iban nga energy resource sa nuclear energy bilang isa ka reliable, cost-competitive, kag environment-friendly energy source.
Pagkatapos sini, ginduso ni Sandro ang pag-elect kay Pangasinan Representative Mark Cojuangco nga isa ka madugay na nga nuclear power advocate bilang chairperson sang bag-o nga House nuclear energy panel.
Ini ang ginbaton man ni Cojuangco kag nagpahayag nga ang nuclear energy amo ang lyabe agud nga mahatag ang barato, masaligan kag indi delikado nga power source.
Ginpahayag man sini nga ang iya committee ang magasugod sa public information drive sa mga benepisyo sang nuclear power kag magdihon sang layi nga naga-establish sang nuclear power plants.
