ILOILO CITY – Ginpahayag ni Senator Grace Poe nga kinahanglan ang isa ka layi nga naga-require sang registration sang subscriber identity module (SIM) card kadungan sang mga reports sang scam text messages nga gina-send sa mobile phone service subscribers.
Suno kay Poe nga amo ang pinuno sang committee on public services, magapatigayon sang hearing ang iya komitiba agud nga imbestigaran ang pinakaulihi nga text scams kag agud nga mahibaluan kun paano mapunggan sang pagpasar sang SIM card registration bill ang paglapta sang “personalized” spam kag scam text messages.
Magluwas sa amo nga scheme, ang mga users ang nakabaton man sang spam text messages nga naga-unod sang peke nga job offers, peke nga contest results kag iban pa nga money-making schemes.
Agud nga mapunggan ang amo nga mga schemes, nagpasar sang Senate Bill No. 99 si Poe ukon ang “Subscriber Identity Module Card Registration Act” bangud diri sa Pilipinas, indi required ang registration sang SIM cards.
Ginpahayag niya nga ang hagna ang wala nagapahanugot sang disclosure sang impormasyon nga nakuha magluwas sa registration process kun wala sang court order nga may yara sang written consent sang subscriber ukon pagsunod sa Data Privacy Act.”
