ILOILO CITY- Napilian ang Hollywood actress kag Pinay nga si Liza Soberano bilang isa sa mga presenters sa ginakalangkagan nga Anime Awards sa Tokyo, Japan.
Ang event nga patigayunon sa Marso 2 ang ginaorganisa sang anime streaming service nga Crunchy-roll agud kilalahon ang mga pinakamaayo nga anime productions sang nagligad nga tuig.
Upod kay Soberano, nalakip man sa lineup sang mga kilala nga celebrity nga mangin presenters amo ang sports figure nga si DeMarcus Lawrence sang Dallas Cowboys, wrestler kag actor nga si Mercedes Varnado, kag Academy Award-winning duo sa likod sang “Spider-Man: Into the Spider-Verse” nga sanday Phil Lord kag Chris Miller.
Magatambong man sa event si Ylona Garcia.
Ang Anime Awards una nga ginpatigayon sang Enero 2017 kag nangin prominent event sa anime industry.
