ILOILO CITY – Ginaduso ni President Ferdinand “Bongbong” Marcos Jr. nga paayuhon ang flow sang goods sa agricultural sector agud nga mapanubo ang presyo sang pagkaon.
Ini ang ginpahayag ni Marcos sa ginpatigayon nga cabinet meeting kun sa diin, madamo sang nagareklamo nga mga cargo handlers sa mga local government policies kag law enforcement checkpoints.
Sapulon naman ni Department of Interior and Local Government (DILG) Secretary Benjamin Abalos Jr. ang mga hepe sang Philippine National Police (PNP) kag ang Department of Trade and Industry (DTI) kaangot sa nasambit nga plano sang presidente.
Ginsuhestiyon man ang pagpahamtang sang mga fast lanes para sa food trucks kaangay sang ginpatuman sang COVID-19 community quarantines.
Suno kay Abalos, dapat nga free-flowing ang mga goods.
Nahambalan man ang paggamit sang teknolohiya agud nga ma-address ang logistical problem kag ang agricultural products.
Magluwas sa food security, nahambalan man ang affordable energy kag housing.
