ILOILO CITY — Nagkalain-lain nga rason ang ginpahayag sang 80 ka mga tawo nga nadakpan sang Iloilo City Police Office (ICPO) sa distrito sang Jaro kagab-i, Abril 7, bangud sa paglapas sa mga pagsulundan sang Enhanced Community Quarantine sa syudad.
Sa interview sang Bombo Radyo kay Police Staff Sergeant Mary Lye Vencer, duty investigator sang Jaro Police Station, iya ginpahayag nga may yara sang naga-rason nga nagin-utan sa sulod sang balay, may yara man sang ‘mabakal kuntani sang bulong’, kag may yara man sang naubusan sang mantika gani nga wala na sang magamit sa pagluto sang sud-an.
Suno kay Vencer, lunsay mga first-time offenders ang mga curfew violators amo nga gin-turn over sila sa ila tagsa ka barangay pagkatapos nga nag-‘film showing’.
Apang, pahayag sang natungdan, sa tion nga madakpan pa liwat, pasakaan na sila sang kaso.
Gin-hold naman sang kapulisan ang tatlo nga nadakpan nga naglapas sa liquor ban.
