Nagdepensa ang Malacañang kun ngaa wala nalawagan ang online gambling sa 4th State of the Nation Address ukon SONA ni President Ferdinand Marcos, Jr.
Suno kay Palace Press Officer Claire Castro, indi mahimo nga padalian ang desisyon sang presidente bangud kinahanglan pa ang ma-id-id nga pagtuon sa mangin resulta sini.
Kinahanglan anay suno kay Castro nga matumod kun nagadamo bala ang iligal nga aktibidad sa lisensyado ukon sa indi lisensyado nga online gambling sites.
Ginhalimbawa pa sini ang isa ka kongresista nga nadakpan nga nagalantaw sang e-sabong sa iya cellphone samtang naga-sesyon sa Kamara, apisar nga iligal naman ang e-sabong sa Pilipinas.
Antes pa man ang SONA, may mga mamalidha na nga nagapanawagan sang total ban sa online gambling bangud mas dako ang epekto sini ipaanggid sa kita nga mahatag sa gobyerno.
