Nakahatag na sang initial report ang Schools Division of Iloilo kaangot sa manunudlo nga akwtal nga nakit-an nga nagagamit sang iligal nga druga sa Ajuy, Iloilo.
Sa interview sang Bombo Radyo kay Mr. Leonil Salvilla, spokesperson, Schools Division of Iloilo, iya ginpahayag nga ginahulat na ang report gikan sa Ajuy National High School kon sa diin nagatudlo ang manunudlo.
Suno kay Salvilla, nagaguwa sa information nga ginhatag sang kapulisan nga naghalin sa amo nga buluthuan ang manunudlo.
Gin-athag man sini nga yara pa sa level of identifying ang talatapan agud masiguro ang identity sang manunudlo.
Ginpahayag man sang natungdan nga kon ma-identify kag ma-endorso sa kapulisan, didto na sila mahatag sang nagakaigo nga tikang batok sa manunudlo.
Hatagan man nila sang kahigayonan ang manunudlo agud nga maka-eksplekar sang iya nga kaugalingon.
Nagpaandam man ang talatapan nga indi nila pag-itolerar ang iligal nga buluhaton ilabi na nga nagaserbe nga ehemplo sa mga estudyante ang mga manunudlo.
Sa subong, wala pa sang pinal nga desisyon kon ano nga intervention ang posible idagdag sa manunudlo.
Nahibaluan nga tuig 2023 pa sang natabo ang amo nga aktwasyon sang maestro kag subong lang natukiban paagi sa paglapta sang video.
