Ginakabig sang pila ka mga public health expert nga isa ka tumalagson nga balatian ang Maple syrup urine disease (MSUD).
Sa interview sang Bombo Radyo kay Dr. Uzanne Marie Carmona-Barrera, Head sang Newborn Screening Long Term Continuity Clinic sang West Visayas State University – Medical Center, iya ginpahayag nga ang MSUD isa ka talagsahon apang seryoso nga metabolicc nga balatian nga mahimo makatalagam sa kabuhi kon indi ini maatipan sang temprano.
Suno kay Carmona-Barrera ang confirmatory testing pagkatapos sang positibo nga resulta sang newborn screening ang importante agud matumod kon ang isa ka lapsag ang may yara sang Maple syrup urine disease.
Gin-athag man sini nga ang long-term management sang MSUD nagalakip sang estrikto nga pagkontrol sa pagkaon, regular monitoring, kag paghanda para sa mga metabolic crises.
Nahibaluan nga ang temprano nga detection paagi sa newborn screening ang magahatag sang immediate intervention, nga nagapauswag sang prognosis para sa mga apektado nga kabataan.
