Nagakontak ang Ukrainian government kay President Ferdinand “Bongbong” Marcos Jr. agud nga maka-arrange sang istoryahanay kaupod kay President Volodymyr Zelensky agud madiskusyunan ang papel sang Pilipinas sa away sa tunga sang Russia kag Ukraine apang wala gid sang nabaton nga sabat halin sang Hunyo 2022.
Ginbuyagyag ini ni Denys Mykhailiuk, ang charges d’affaires sang Embassy of Ukraine sa Malaysia.
Suno kay Mykhailiuk, nagkontak sila kay Marcos paagi sa Department of Foreign Affairs (DFA) duha ka beses halin sang June 2022 agud nga matigayon ang phone call sa tunga sang duha ka presidente apang tubtub subong, wala sang tinimok-timok halin sa presidential office.
Natalana kuntani nga diskusyunan suno sa opisyal amo ang partisipasyon ukon ang pag-co sponsor sa Peace Formula nga amo ang ipresentar ni Zelensky sa United Nations sa February 24, 2023 bilang isa ka bilateral agenda.
Lakip sa peace plan amo ang pagpabangon sang territorial integrity sang Ukraine kag pagpangita sang dugang nga silot sa Russia bangud sa kalakasan sini amo man ang pagpatuman sang sanctions kag pagtukod sang tribunal agud silutan ang Moscow.
Kun magsugot ang Pilipinas sa co-sponsoring, buot silingon, magabulig ini sa pag-draft kag paghanda sang mga aktibidad agud nga malab-ot ang goals sang amo nga plano.
Ginahulat pa ang sabat sang DFA sa amo nga request sang gobyerno sang Ukraine. ##
