Gin-reorganize na ni President Ferdinand “Bongbong” Marcos Jr. ang Sugar Regulatory Administration (SRA) paagi sa pagbutang sang tatlo ka bag-o nga appointees.
Kasunod ini sang kontrobersyal nga order nga ginpaguwa sang SRA nga nagapahanugot sang 300,000 metric tons sang kalamay. Ang amo nga order ang gintawag sang Malacañang nga iligal bangud wala ini sang authorization gikan kay President kag concurrent Agriculture Secretary Marcos.
Sa inisyal nga impormasyon, gin-appoint sang presidente si David John Thaddeus P. Alba bilang acting administrator sang SRA.
Si Alba ang nagbulos kay former SRA Administrator Hermenegildo Serafica nga nag-resign anay bangud sa kontrobersyal nga Sugar Order No. 4 (SO 4).
Ang bag-o nga Sugar Regulatory Board members amo sanday Pablo Luis S. Azcona (nagbulos kay sugar planters representative Aurelio Gerardo Valderrama Jr.); kag si Ma. Mitzi V. Mangwag (nagbulos kay sugar millers representative Atty. Roland Beltran nga nag-resign bangud sa health reasons).
