ILOILO CITY – Nagdangat na sa 273,454 ka mga indibidwal sa bilog nga pungsod ang nag-file sang ila certificates of candidacy para sa 2023 barangay and Sangguniang Kabataan elections.
Suno sa Commission on Elections, ini ang nagabug-os sang 35.23 percent sang kabilugan nga 672,016 open seats para sa pinili-ay.
Kabug-usan nga 21,657 ang nag-file para sa position nga punong barangay samtang 143,638 naman bilang barangay kagawad.
Samtang, 17,085 ang nag-file sang candidacy para sa Sangguniang Kabataan chairman kag 91,071 bilang Sangguniang Kabataan members.
Ang filing sang certificate of candidacy ang nagsugod sang Agosto 28 kag magatakop sa Setyembre 2 samtang ang eleksyon ang natalana sa Oktubre 30.
Ginpahayag naman ni Comelec chairman George Garcia nga apat na ka election-related violence ang na-record sa probinsya lamang sang Albay.
Sa Libon, Albay, isa ka punong barangay ang patay matapos gintiro matapos nag-file ini sang iya certificate of candidacy.
Suno kay Garcia, kabilugan nga anum ka mga armas kag 17 ka mga patalom ang na-confiscate sa mga checkpoints kag 10 ka mga indibidwal ang gin-aresto.
