ILOILO CITY – Masobra sa 5,500 ka mga tawo ang nagapabilin nga missing sa isa ka lugar sa east Democratic of Congo kun sa diin, masobra 400 ka mga tawo ang napatay sa baha sang nagligad nga semana.
Madamo nga bangkay ang nakit-an sa mga villages sa Bushushu kag Nyamukubi sa South Kivu humalin sang nagbubo ang ulan nga nagtuga sang landslides kag f;ash floods sang Huwebes kag nagguba sang mga buildings kag nag-anud sa mga pananum.
May yara na sang mass graves nga ginhimo ang otoridad agud nga malubngan sang mga bangkay kun sa diin, kadam-an diri ang mga babayo kag mga kabataan.
Nagpanawagan naman ang Red Cross workers sang dugang nga suplay kag equipment agud nga mabuligan ang masobra sa 8, 800 ka mga apektado nga residente.
Suno kay Kalehe administrator Thomas Bakenga Zirimwabagabo, 441 ka mga bangkay sang tawo ang nakit-an kag 5,525 pa ang ginapangita.
Ang pagbaha amo ang pinakaulihi nga major disaster sa Africa nga nagpakita sang kahuyang sang mga pungsod nga may pigado nga urban planning kag mahina nga infrastructure sa epeketo sang climate change.
