ILOILO CITY – Dakop ang 162 ka mga persona sa distrito sang Molo matapos nga naglapas sa ginapatuman nga curfew sa syudad sang Iloilo bangud sa Enhanced Community Quarantine.
Sa interview sang Bombo Radyo kay Pol Capt Shella Mae Sangrines, tagapamaba sang Iloilo City Police Office iya ginpahayag nga lakip sa mga nagakaladakpan ang pila ka mga menor de edad kag senior citizen.
Suno kay Sangrines, ini na ang pinaka madamo nga numero sang mga nagkaladakpan nga naglapas sa curfew sa syudad sang Iloilo.
Dugang sang natungdan, ginatipon nila ang tanan nga mga nadakpan agud laygayan kag usisaon kun ngaa nagalapas sila sa gihapon sa curfew apisar nga makapila na sila nga ginapahanumduman,
Santo sa pahayag ni Sangrines, makig-angot man sila sa mga barangay sa diin nagikan ang mga nagkaladakpan agud ang mga barangay officials naman ang magpahandumom sa ila mismo nga mga pumuluyo.
Liwat naman nga nanawagan si Sangrines sa mga pumuluyo ilabi na sa mga barangay officials kag mga ginikanan nga sundon ang mga ginapatuman nga pagsulundan bangud para man ini sa ila kaayuhan
