Ginalauman nga sugudan na sang gobyerno ang “mass testing” para sa COVID-19 kadungan sang katapusan sang Enhanced Community Quarantine.
Ini ang ginpahayag ni Presidential Adviser for Peace Sec. Carlito Galvez nga naga serbe man nga Chief Implementer sang National Action Plan batok sa COVID-19.
Suno kay Galvez, lauman nga masuguran ang “mass testing” matapos nga gin-aprubahan sang Research Institute on Tropical Medicine ang accreditation sang siyam ka mga ospital nga mangin pasilidad sa COVID-19 testing.
Dugang sang natungdan, target sang mass testing ang mga patients under investigation, kag patients under monitoring.
Santo man sa pahayag ni Galvez, natalana nga sugudan ang massive COVID-19 testing sa Abril 14.
Nahibaluan nga tubtob nalang Abril 12 ang implementasyon sang Enhanced Community Quarantine kun basehan ang aprubado nga resolusyon sang Inter-Agency Task Force.
