Ginakonsidera subong sang tagdumalahan ang FIFA kag Asian Football Confederation nga kanselahon ang mga hampang sa Asian FIFA World Cup 2022 kag AFC Asian Cup 2023 qualifiers bangud sa Coronavirus scare.
Suno sa Fédération Internationale de Football Association, nagpadala na sila sang ‘formal proposal’ sa mga pungsod sa asya natuhoy sa plano nga pagkansela sa World Cup kag ginalauman nga mapaggwa na ang pinal nga desisyon sa masunod nga mga inadlaw.
Suno pa sa Fédération Internationale de Football Association, mas prayoridad nila ang ikaayong lawas sang mga atleta kag mga tumalan-aw.
Ginadiskusyunan man nila subong kun magapadayon pa ang Women’s Olympic playoff sa tunga sang China kag South Korea nga lunsay apektado sang COVID-19 lakip man ang AFC Futsal Championship sa Turkmenistan.
Nahibaluan nga nakatalana kun tani nga patigayunon ang qualifiers para sa 2022 World Cup kag 2023 Asian Cup sa Marso 26 kag 31.
Samtang una na nga ginkansela ang Women’s Olympic Playoff kag ginreschedule sa Abril 9 kag 14.
