ILOILO CITY- Wala sang plano si Mayor Jerry Treñas nga butangan sang hugot nga requirements ang dress code kun magsulod sa mga bars and restobars sa siyudad sang Iloilo.
Ini kasunod sang naglapta nga video sang babaye nga halos naghublas na samtang nagasaot sa MO2 Ice sa Smallville Complex, Mandurriao.
Sa interview sang Bombo Radyo kay Mayor Treñas, iya ginpahayag nga makapagusto ang sin-o man sang ila suksukon apang indi dapat magpasobra kag maglab- ot sa punto nga madula ang public morals.
Suno kay Treñas, tuman ka business friendly ang siyudad apang kun lantawon ang video, makita nga gìntolerar lang sang management ang matabo kag daw wala gid sang may nagsaway sa iya gani dapat gid dapat manabat gid ang amo nga bar.
Nahibaluan nga ginmando na sang alkalde ang temporaryo nga pagpasirado sang bar bangud sa insidente kag mahimo lang nga makabuas liwat kun maplastar na ang mga condition nga makasugtan sa tunga sang tagdumalahan sang bar kag sang siyudad.
