ILOILO CITY- Napilian sang Korea Tourism Organization (KTO) ang komedyante kag host nga si Melai Cantiveros upod ang iya pamilya bilang ila bag-o nga honorary ambassador.
Sa iya Instagram, gin-post ni Melai ang mga laragway sang ceremonial appointment upod sa iya pamilya.
Dako naman ang pagpasalamat ni Melai para sa amo nga appointment kag bangud man sa suporta sang mga Filipino fans sa iya.
Sang nagligad nga tuig, nagbida si Melai sa pelikula nga “Maam Chief: Shakedown in Seoul,” nga gin-shoot sa South Korea.
May yara man ini sang video blog sa iya nga YouTube channel nga naga-explore sang pungsod upod sa iya pamilya nga ginkawilihan man sang publiko kag netizens.
