𝗜𝗟𝗢𝗜𝗟𝗢 𝗖𝗜𝗧𝗬 – Nadugangan sang 5 tubtob 10 percent ang numero sang mga basura nga nakolekta sa Iloilo City subong nga New Year.
Sa interview sang Bombo Radyo kay Engr. Niel Ravena, head sang General Services Office (GSO), iya ginpahayag nga sa ordinaryo nga adlaw, nagakolekta sila sang 400 ka tonelada ukon masobra sa 360,000 kilograms sang basura.
Apang sa subong, nagadangat ini sa 440 ka tonelada ukon masobra sa 408,000 kilograms sang basura.
Suno kay Ravena, kalabanan sa mga basura nga ila natipon amo ang mga karton, mga dunot nga prutas kag palupok.
Sa subong nga tuig, ginpahayag ni Ravena nga mas gamay ang mga basura halin sa palupok bangud man sa pag-ulan kadungan sang pagsug-alaw sang New Year.
– 𝗪𝗶𝘁𝗵 𝗮 𝗿𝗲𝗽𝗼𝗿𝘁 𝗳𝗿𝗼𝗺 𝗕𝗼𝗺𝗯𝗼 𝗝𝗼𝗺𝗮𝗿 𝗩𝗶𝗹𝗹𝗮
