ILOILO CITY – Kanselado subong nga adlaw ang klase sa bilog nga Auckland sa New Zealand bilang pagpanghanda sa paglaslas sang bagyo Gabrielle.
Masobra sa 36 ka mga eskwelahan kag unibersidad ang magasirado apisar nga wala sang pormal nga mandu nagikan sa Ministry of Education samtang ang bus network ang magabuhin man sang ila nga serbisyo.
Samtang, nag-anunsiyo na ang Air New Zealand nga kanselado ang madamo nga international fights subong nga adlaw kag amo man ang Tasman kag Pacific Island flights, kag domestic services pasulod kag pagwa sa Auckland.
Nagpanawagan na si Prime Minister Chris Hipkins sa pumuluyo nga likawan ang non-essential travels.
Suno naman kay Bombo Tess Peeters direkta sa Auckland, sa Northland nga subtropical region sang North Island, gindeklarar na ang state of emergency sa sulod sang pito ka adlaw bilang kabahin sang initial regional reponse sa bagyo.
May mga panimalay na nga natumbahan sang duha ka kahoy kag maswerte nga nakagwa ang homeowner.
Na-eksperyensyahan naman ang power outages kag pagbaha-baha sa amo nga lugar.
Suno pa kay Peeters, nagpagwa na sang warning ang meteorological center sang New Zealand kag ginalauman nga ang mabagyuhon nga Valentine’s day.
