ILOILO CITY – Ginkumpirma sang Russia nga tatlo ang napatay matapos nga naglupok ang isa ka truck sa taytay nga nagakonektar sang Crimea sa mainland Russia.
Ang pagsigabong ang nagguba sang 19-kilometre bridge, pito ka tuig matapos ang pagpang-atake sang Russia sa Ukraine.
Suno sa inisyal nga impormasyon, ang lawas sang isa ka babayi kag sang isa ka lalaki ang nakuha sa tubig matapos nga nag-collapse ang taytay.
Ang duha ang ginapatihan nga sakay sa salakyan malapit sa naglupok nga truck kag ginahibalo na ang ila identities.
Suno pa sa Moscow, ang tag-iya sang truck ang residente sang Krasnodar region sa Russia.
Ang taytay nga personal nga gin-inagurahan ni President Vladimir Putin sang 2018 ang importante bangud nga diri naga-agi ang military equipment sang Russian soldiers nga nagapakig-away sa Ukraine.
