Na-delay kag nagahulat sa gihapon sang announcements ang mga pasahero sa Mactan-Cebu International Airport matapos naglapaw sa runway ang ila ginasakyan nga eroplano halin sa South Korea.
Suno sa Civil Aviation Authority of the Philippines (CAAP), halin sa Incheon Airport sa South Korea ang Korean Air KE 631 sang nag-overshoot ini sa runway sang nasambit nga airport.
Ginalantaw nga rason ang indi maayo nga tyempo antes pa man maghugpa ang eroplano.
Temporaryo naman nga gin-untat ang operasyon sang airport samtang ang iban naman nga flights ang gin-divert sa Davao samtang ang iban naman ang gin-cancel kag na-delay.
Nagresponde man ang Lapu-Lapu City Disaster Risk Reduction and Management Council kag padayon pa subong nga ginahibalo ang rason sang insidente.
Ginpahayag naman ni Lapu-Lapu City Mayor Junard “Ahong” Chan nga wala sang pasahero nga nasamaran. ##
