ILOILO CITY – Nagpasalig sa publiko ang pinuno sang Manila Economic and Cultural Office nga ang mga Filipinos sa Taiwan ang yara sa hilway nga kahimtangan kag normal ang sitwayon sa lugae apisar sang pinakaulihi nga military drills sang China.
Suno kay Manila Economic and Cultural Office Chairperson Silvestre Bello III, base sa pagpakig-angut niya sa pila ka mga Filipinos sa Taiwan, wala sila nagaplano nga magpauli sa Pilipinas bangud samg ila nga trabaho.
Ang mga ini ang nagakita sang indi magnubo sa P40,000.
Ginpakamalaut man sini ang nagaguluwa nga sala nga impormasyon bangud madamo sang mga himata sang overseas Filipino workers sa Manila nga nagakabalaka.
Dugang pa niya, manubo ang posibilidad nga may matabo nga emergency situation kag halimbawa suno sa iya, sa tion nga may linog ukon kinagamo, nakahanda ang Taiwan government nga maghatag sang proteksiyon indi lang sa ila mga pumuluyo kundi mangin sa mga Filipinos.
Nakasapol na si Bello sa Taiwanese authorities kag may nakahanda na nga temporaryo nga puluy-an para sa mga Filipinos sa tion nga may matabo nga krisis.
May yara sang indi magnubo sa 160, 000 nga mga overseas Filipino workers sa Taiwan kun sa diin, ang 90 percent sang skilled workers sa pungsod ang ginaserbisyuhan sang mga Filipinos.
Sang nagligad nga bulan, may pahayag si Chinese Ambassador to the Philippines Huang Xilian batuk sa mga overseas Filipino workers matapos nga ginhatagan sang dugang nga access sang Pilipinas ang Estados Unidos sa military bases sini sa idalom sang Enhanced Defense Cooperation Agreement.
