ILOILO CITY – Gindagdagan sang United Kingdom sang bag-o nga sanction ang 25 ka mga kompaniya kag indibidwal agud nga mapunggan ang pag-access ni Russian President Vladimir Putin sa foreign military equipment.
Suno kay Foreign Secretary James Cleverly, ang gin-target ang nagalakip sang mga tawo kag negosyo sa Turkey, Dubai, Slovakia kag Switzerland nga nagasuporta sa iligal nga inaway sa Ukraine.
Ang mga sanction ang gin-impose sa Iranians nga naangut sa pag-produce sang drones para sa Islamic Revolutionary Guard Corps kag Belarusian defence organisations nga gina-link sa paghimo sang military technology para sa Belarusian regime.
Tatlo ka mga Russian companies nga naga-operate sa electronics sector ang nalakip man sa target nga may dugang nga 22 ka mga sanctions nga ginalakipan sang pila ka mga entities kag indibidwal sa gwa sang pungsod.
Ginlakip man ang duha ka Turkey-based businesses nga ginapahayag naga-export sang microelectronics sa military kag Dubai-based supplier sang Russia sang drone components.
