ILOILO CITY- Nagpagwa sang pahayag ang Miss Universe Philippines Organization angot sa pagkondenar sini sa tanan nga sahi sang cyberbullying nga naga-target sa Organization, delegates kag sa bisan sin-o nga naangot sa pageant.
Suno sa Miss Universe Philippines, ini ang indi lang limitado sa bullying, threatening kag derogatory remarks nga gina-post sa Miss Universe Philippines social media platforms.
Pahayag sang organisasyon, ginakilala nila ang indi maayo nga epekto sang cyberbullying sa mental kag physical health sang kandidata kag ang epekto nga ini ang mahimo magpabilin bisan pa natapos na ang pageant.
Dugang sang Organization, hugot sini nga i-monitor ang tanan nga Miss Universe Philippines platforms sang regular agud masiguro nga wala sang bastos, masakit kag makainsulto nga mga tinaga ang gina-post kag kun may yara man, gilayon ini nga panason.
Nagpaandam man ini sa mga users, bloggers, accounts, persons ukon organizations nga nagahimo sang toxic kag negative behavior nga gilayon sila nga i-block kag i-report.
Nagalaum ang Miss Universe Philippines Organization nga paagi sa sini nga social media campaign, mauntat na ang pag-normalize sa toxicity kag cyberbullying ilabi na sa mga kandidata.
Nahibaluan nga mangin ang tiglawas sang Iloilo nga si Alexie Brooks ang wala man nakaluwas sa cyberbullying sang iban nga netizens.
