ILOILO CITY – Nagsaka pa sa 22 ang numero sang mga tawo nga napatay sa mabaskog nga ulan nga nagtuga sang lapnagon nga pagbaha kag landslides sa South Korea.
Nagsaka naman sa 14 ang missing kag linibo ang gin-evacuate.
Ang South Korea ang yara sa peak sang ila nga summer monsoon season kag nagabubo ang mabaskog nga ulan sa sulod na sang tatlo ka adlaw nga nagresulta sa pagbaha kag landslides, kag gintuna-an sang paglapaw sang tubig sa isa ka major dam.
Suno sa interior ministry, ang kalaban sa mga casualties, lakip na ang 16 nga napatay kag siyam ka missing, ang nagikan sa North Gyeongsang province bangud sang massive landslides sa nabukid nga bahin.
Masobra naman sa 6,400 nga mga residente sa central county sang Goesan ang ginmanduan nga mag-evacuate sang mas temprano bangud nga ang Goesan Dam ang nagsugod na sa pag-submerge sa low-lying villages.
