ILOILO CITY – Nagsaka pa sa apat ang numero sang nagkalamatay sa lapnagon nga baha sa Auckland, New Zealand.
Suno kay Bombo Tess Peeters direkta sa Auckland, New Zealand, ginpaidalom na sa local state of emergency ang lugar.
Bangud sini, ginapangabay ang publiko nga likawan anay ang pagbyahe.
Suno pa kay Peeters, mangin ang mga malls, grocery stores kag airports ang ginsul-ob sang tubig baha.
Madamo sang byahe ang apektado ilabi pa nga madamo sang tawo nga nagasulod kag nagagwa sa lugar bangud nga naghalog na ang ristrictions.
May mga lugar pa sa gihapon nga wala sang linya sang kuryente kag wala sang suplay sang tubig.
Base sa forecast, madamo pa nga severe weather ang ma-eksperyansyahan sang tawo tubtob sa Martes.
