ILOILO CITY- Patay ang isa ka overseas Filipino worker (OFW) sa Hong Kong matapos mahulog gikan sa ika-18 nga panalgan sang isa ka apartment building.
Base sa impormasyon, ginatinluan sang OFW ang mga bintana sa unit sang iya nga employer sang mahulog ini.
May mga building staff man nga nakakita sa insidente.
Gindala pa sa ospital ang biktima apang gindeklarar nga dead on arrival.
Ang OFW ang tumandok sang Barangay Mabini, Guinayangan, Quezon.
Nag-abot ini sa Hong Kong sang Enero 2023.
Natalana naman nga mag-abot subong nga adlaw ang iya utod halin sa Macau agud makig-angot sa Philippine Consulate kag sa mga otoridad sang Hong Kong.
