Nakatalana nga aprubahan ni Presidente Rodrigo Duterte ang P2 bilyon nga supplemental budget sang Department of Health nga pagagamiton sa operasyon sang ahensya batok sa COVID-19.
Suno kay Presidential Spokesperson Salvador Panelo, wala sang nagakadapat nga ikabalaka ang mga pumuluyo bangud madugay na nga nakahanda ang gobyerno.
Dugang sang natungdan, nakahanda man ang gobyerno nga i-repatriate ang halos 500 ka mga Pilipino nga sakay sang Grand Princess cruise ship nga yara sa California kag may positibo nga kaso sang COVID-19.
Samtang, nagasalig naman ang Malacañang sa Department of Health nga makaya nila nga makontrol ang krisis sa pihak sang mga kritisismo nga ila nabaton.
