ILOILO – Tuman nga nagapasalamat ang pamilya sang lalaki nga ginapahayag gin-abduct anay sa Rizal St. Iloilo City Proper antes gin-buy bust sang Regional Drug Enforcement Unit sa Sta. Filomena, Arevalo, Iloilo City sa Bombo Radyo Iloilo sa nangin bulig sini sa paghatag sang igtalupangod kag hustisya sa kaso sang ila nga himata.
Sa interview sang Bombo Radyo kay Alyas Maria Fe, tiya ni Anthony William Landicho iya ginpahayag nga paagi sa media ilabi na sa Bombo Radyo, nahatagan sang igtalupangod ang natabo sa ila nga himata.
Suno kay Alyas Maria Fe paagi sa gin upload nga video sang Bombo Radyo, mas nahatagan sang kaathagan ang natabo kay Anthony.
Nanawagan naman ang natungdan sa provincial government sang Guimaras nga buligan sila agud mahatagan sang hutisya ang kaso sang iya nga hinablos.
Gin-ako man ni Alyas Maria Fe nga matuod nga naglisa sang dalan si Anthony apang hugot ang iya pagpati nga indi matuod nga na buy bust ini kabaliskaran sa nangin pahayag sang kapulisan.
