ILOILO – Gintugyan na sang pamilya ni Alain Muller nga nagdangop na sila sa National Bureau of Investigation agud masolbar na ang kaso sang pagpataya sa ila nga himata.
Sa interview sang Bombo Radyo sa tiya ni Muller, iya ginpahayag ginatugyan na nila subong sa National Bureau of Investigation ang imbestigasyon bangud kun magsalig lang sila sang kapulisan, madugayan pa kag tubtob subong sang nagakatabo agud masolbar ang kaso.
Suno kay, apisar nga nagtukod na sang Special Task Force ang kapulisan wala sa gihapon sang nakapalapit sa ila nagikan sa Jaro Police Station agud mang usisa sang dugang nga mga impormasyon nga mahimo makabulig sa pagsolbar sang kaso.
Sa pihak sini nagpahayag sa gihapon sang kahandaan ang pamilya nga Muller nga maghatag sang impormasyon sa mga pulis apang sa subong mas magatutok sila subong sa ginapatigayon nga imbestigasyon sang National Bureau of Investigation.
Nahibaluan nga si Alain Muller ang isa sa mga biktima sang nagluntad nga twin shooting sang Enero 19 subong lang nga tuig sa diin natukiban nga ang 9mm kag .45 caliber pistol ang gingamit man sa krimen nga natabo sang Abril 18, 2012.
