Nagpahayag sang suporta si President Ferdinand Marcos Jr. sa panawagan sang Department of the Interior and Local Government (DILG) sa senior officers sang Philippine National Police (PNP) nga mag-submit sang courtesy resignations samtang gina-id-id ang internal cleansing sa hanay sang kapulisan.
Suno kay Marcos, madugay na nga ginaplano sang administrasyon ini nga lihok.
“Remember, during the campaign, noong tinatanong ako kung ano ‘yung gagawin natin tungkol sa drug problem, this is it… We approach it in an entirely different way,” pahayag sang presidente.
Matandaan nga si Interior Secretary Benhur Abalos ang nag-apelar sa full colonels kag generals nga mag-submit sang courtesy resignation. Suno kay Abalos, kabahin ini sang tikang sang gobyerno agud nga mapapas ang mga pulis nga involved sa illegal drug trade.
Ginpahayag nga may committee nga itukod agud ma-review ang records sang police officials agud matumod ang posible nga involvement sa nasambit nga iligal nga buluhaton.
