ILOILO – Nag sugod na sa paglibot ang mga kapulisan agud ma tsekyar ang mga lugar nga mahimo pahamtangan sang mga manugbaligya sang palupok kag lugar man kun sa diin pwede makapalupok subong nga nagahilapit na ang paskwa kag bag-o nga tuig.
Sa interview sang Bombo Radyo kay Pol Lt Col Joem Malong, iya ginpahayag nga wala pa sang final nga lugar kun diin pwede maka baligya kag makapalupok apang gina proseso na ang mga permit sang mga manugbaligya kag ginalauman nga irelease na ini sang Regional Civil Security Unit 6 sa Desyembre 16.
Suno kay Malong base sa Executive Order 128 may mga lugar sa syudad nga kun sa diin pwwede makabaligya sang mga palupok nga amo ang Circumferencial Road 1 corner Jocson St sa Arevalo, ang isa sa Circumferencial Road 1- corner Iloilo East Coast- Capiz along Ondoy’s Sugbahan sa Jaro kag sa Muelle Loney Street sa Riverside front sang Muelle Loney statue
