ILOILO CITY – Nagpaandam ang Philippine Space Agency nga posible nga mahulog sa pila ka bahin sang pungsod ang debris sang Chinese rocket.
Suno sa ahensya, isa ka Long March 7A rocket ang ginlunsyar nagikan sa Wenchang Space Launch Center, Hainan Island alas 9:19 kagab-i kag ginakahangaw-an nga mag-igo ang debris sa Cagayan kag Ilocos Norte sa northern Luzon.
Na-verify sang ahensya ang estimated drop zones sang rocket debris pinaagi sa isa ka notice nagikan sa Civil Aviation Administration sang China.
Sa advisory, duha ka drop zones sa sulod sang teritoryo sang Pilipinas ang na-identify base sa Notice to Air Missions.
Ang drop zone 1 ang yara sa 71 kilometers nagikan sa Burgos, Ilocos Norte samtang ang drop zone 2 ang yara sa 52 kilometers nagikan sa Sta. Ana, Cagayan.
Nagpaandam ang ahensya ang mahulog nga rocket debris ang may yara sang posible pamahog sa mga barko, aircraft, fishing boats kag iban pa nga vessels nga maga-agi sa drop zones.
Malayo naman nga mahulog ini sa mga lugar nga may pamalay ukon sa duta.
Kung madumduman, ginpahayag man sang Philippine Space Agency nga sang Hulyo, ang core stage debris sang isa ka Long March 5B rocket ang nagtupa sa Philippine waters.
Nagpanugyan naman ang ahensya sa publiko nga magpahibalo sa gilayon sa mga otoridad sa tion nga may makita nga suspected rocket debris.
