Nagpahanumdom ang Department of Public Works sa publiko sa mga nagapakuno-kuno nga mga opisyal kag empleyado sang ahensya.
Ini matapos nga may ara sang nagapang-scam nga mga indibidwal kag nagahatag sang promisa may kaangtanan sa paghatag sang trabaho kag proyekto.
Suno kay DPWH Sec. Vince Dizon, may ara sang tion nga may nagkadto nga biktima sa ila opisina kag nagdala sang peke nga dokumento kag nagpahayag nga ma-oath taking ini bilang bag-o nga regional director sang isa ka rehiyon.
Liwat man nga nagpahanumdom ang DPWH nga gilayon nga i-report ang mga kaangay nga sitwasyon kun sa diin may ara sang makaduluda nga mga transakyon ukon modus.
Madumduman nga indi ini amo ang una nga tion nga gin-gamit ang ahensya sa pagpangscam kag pagpalapta sang mga sala nga impormasyon.
