ILOILO CITY – Mangin klaro na ang mga legal parameters para sa isa ka joint exploration sa ika foreign company.
Ini ang suno kay retired Supreme Court Associate Justice Antonio Carpio kasunod sang pagbasura sang Supreme Court sa Joint Marine Seismic Undertaking nga ginsudlan sang Pilipinas sa China kag Vietnam sang 2005.
Suno kay Carpio, ang apat ka modes sa Section 3, Article XII sang Constitution ang dapat nga masunod.
Ang ginatumod sang anay associate justice amo ang “direct undertaking, co-production, joint venture and production sharing.”
Dugang pa niya, mahimo nga maduso ni President Ferdinand “Bongbong” Marcos Jr. ang isa ka “direct undertaking” kag i-tap ang serbisyo sang isa ka Chinese company sa oil kag gas exploration.
Ang service contractor amo ang agent kag ang gobyerno sang Pilipians amo ang prinicipal suno pa kay Carpio.
Paagi sini, ang Pilipinas ang may yara sang full control sa operasyon sa idalo sang service contract.
Pahayag dugang niya, ang una nga whereas clause sang tagsa ka Philippine service contract ang nagapahayag nga ang oil kag gas ang ginapanag-iyahan sang pungsod.
Isa pa ka provision ang nagapahayag nga ang layi sa Pilipinas ang dapat nga magpangibabaw sa kontrata.
Suno pa sa iya, ang paghimo sang direct undertaking route sa exploration kag ang pag-angkon sang service contract ang naga-isahanon nga paagi agud nga ang isa ka majority-owned foreign company ang makapasakup bilang service contractor.
Ang iban nga tatlo ka modes nga mandato sang Constitution ang mahimo lamang pinaagi sa isa ka 60-40 Filipino company.
Nahibaluan nga kahapon, sa boto nga 12-2-1, gindeklarar sang Supreme Court Joint Marine Seismic Undertaking nga unconstitutional bangud gintugutan sini ang wholly-owned foreign corporations nga mag-explore sa natural resources sang pungsod.
Ang ini nga agreement nga nag-expire sang June 30, 2008 ang ginsudlan sang Philippine National Oil Company, China National Offshore Oil Corp., kag Vietnam Oil Gas Corp. para sa oil exploration sa 142,886 square kilometers sa West Philippine Sea.
