Nagapangibabaw ang abilidad sang Pinoy boxers sa 74th Strandja International Boxing Tournament sa Sofia, Bulgaria.
Daog ang Tokyo Olympic medalist nga si Carlo Paalam batok sa kasumpong nga si Enver Muzaffer sang Turkey, 5-0, sa 54kg bantamweight class.
Sunod nga atubangon ni Paalam sa quarterfinals si Mirazizbek Mirzakhalilov sang Uzbekistan.
Sa pihak nga bahin, nalutos man sang Davao City native nga si Junmilardo Ogayre ang una sini nga kasumpong nga si Riad Labidi sang France sa second round sang men’s 57kg featherweight bout.
Duha pa ka boksidor ang balantayan sa persona nanday Marvin Tabamo kag Tokyo Olympian nga si Irish Magno nga tumandok sang Janiuay, Iloilo.
Atubangon sang Ilongga boxer si Maria Gonzalez Caceres sang Spain sa women’s 52kg flyweight division. ##
