Gintumod ni Department of the Interior and Local Government (DILG) Secretary Jonvic Remulla nga isa ka “police major” ang ginaalegar protektor sang operasyon sang illegal cigarette manufacturing sa Negros Island Region.
Ang amo nga police major ang katapo sang Criminal Investigation and Detection Group (CIDG) Bacolod City.
Yara na ini subong sa preventive custody.
May ginahimo naman nga case build-up para sa pagpasaka sang kaso batok sa pulis.
Ginaayam naman sang mga otoridad ang duwa ka mga suspek nga sanday “Macmac” kag “Don Robert” nga amo ang sa likod sang iligal nga aktibidad.
