ILOILO CITY – Unanimously approved sang Indonesian lawmakers ang bag-o nga criminal code nga naga-criminalize sang pre-marital sex.
Ini ang lubos nga ginpamalabagan sang mga kritiko bangud nga nagalapas ini sang kinamatarong kag kahilwayan sa nasambit nga Southeast Asian country.
Sa amo nga layi nga naga-apply man sa mga foreign residents kag sa mga turista, ginadumilian man ang cohabitation ukon ang pag-updanay antes ang kasal, ang indi pagsunod sa religious ukon political belief ukon ang ginatawag nga apostasy.
Ini ang nagapina man sa mga maga-insulto sa presidente ukon sa mga magapabutyag sang opinyon batuk sa national ideology.
Sang nagligad nga mga tinuig, nakita ang pagsaka sang religious conservatism sa pungsod nga ginakabig nga world’s largest Muslim-majority nation.
Ang mga Islamic laws ang istrikto nga ginapatuman sa pila ka bahin sang pungsod lakip na sa semi-autonomous Aceh province kun sa diin, ang pag-inom sang makahulubog nga ilimnon kag ang pagsugal ang ginadumili-an.
Sa pila naman ka rehiyon sang pungsod, ginapangbakol sang stick ang mga nagakomiter sang homosexuality kag adultery.
Ang ini nga mga pagbag-o ang ginalantaw sang travel industry representatives nga maga-apekto sa turismo sang pungsod.
